El (un)

 

 

O seu proceso de morte regalounos unha intimidade descoñecida

... porque a morte é unha saída, e todos nos quereríamos aquí,

el,

durante quince longos días, foinos preparando para o pasamento,

"déjalo hombre, 

ya marchará cuando él quiera", 

e así,

pouco a pouco, 

hora a hora, 

día a día, 

foi debullando unha despedida,

xenerosamente dispoñéndonos, abraiándonos coa súa resistencia, fortaleza, apego, 

ao aire que nos respira, 

porque o aire nos respira, 

vénos regalado, 

e nós, só temos que abrirnos á vida,

por iso, 

el, 

ensinounos que abrirse á morte é

abrirse á vida, que a vida nos respira, 

e nos quere aquí